A Consellería de Educación e Ordenación Universitaria convoca, con carácter gratuíto, cursos preparatorios para a consecución dos certificados de lingua galega (Celga), nos niveis 1, 2, 3 e 4 para o ano 2010, nas escolas oficiais de idiomas de Galicia.

Beneficiarios dos cursos:

Persoas maiores de dezaseis anos, ou a aquelas que os cumpran no ano natural da convocatoria, que necesiten certificar a súa competencia da lingua galega.

Solicitudes e Prazos:

As solicitudes, poderanse presentar na propia escola oficial de idiomas onde teña lugar o curso a partir do día seguinte ao da publicación desta orde e ata cinco días antes da data establecida por cada escola oficial de idiomas para o inicio do curso.

As listas de seleccionados, así como as datas de comezo destes, faranse públicas tanto nos taboleiros de anuncios da escola oficial de idiomas na que terá lugar o curso, como na súa páxina web.

Características dos cursos, contidos e avaliación:

Os cursos axustaranse aos contidos sinalados na Orde do 16 de Xullo de 2007 pola que se regulan os certificados oficiais acreditativos dos niveis de coñecemento da lingua galega (Celga).

Duración: 60 horas lectivas, con presenza obrigada

A realización do curso non dará dereito a ningún tipo de certificación, por tratarse dun curso preparatorio para as probas conducentes á obtención dos certificados de lingua galega Celga, cuxa xestión e expedición compete á Secretaría Xeral de Política lingüística.

No Cadro seguinte atoparan os horarios para a Escola Oficial de Idiomas de Pontevedra.

Para consultar os horarios dos restantes centros oficiais de idiomas (Vigo, Ourense, Santiago, Lugo e  Ferrol) consulte o documento adxunto á esta noticia.

No documento tamén atoparan o impreso necesario para a inscrición.