Programa Emega Para Fomento Do Emprendemento Feminino

O obxectivo do programa e incentivar ás mulleres emprendedoras de Galicia para a posta en marcha, mellora ou reactivación de iniciativas empresariais como medio adecuado para a súa promoción, participación e progresión no mercado laboral, a través das seguintes liñas de actuación:

1.LIÑA EMPRENDE: axudas económicas a través de primas para estimular a posta en marcha de iniciativas empresariais e a creación de emprego feminino por conta propia e allea.

2.LIÑA INNOVA: axudas económicas mediante primas para promover a realización de melloras innovadoras nas empresas lideradas por mulleres que comparten a creación de emprego feminino estable e de calidade e a mellora da competitividade.

3.LIÑA ACTIVA: axudas económicas a través de primas para favorecer a reactivación e consolidación de empresas lideradas por mulleres por medio da aplicación de medidas de renovación, relanzamento, ampliación ou cambio de localización da actividade coas que acadar equilibrio empresarial e buscando o seu mantemento e promoción.

4.LIÑA CONCILIA: apoio á conciliación do exercicio profesional coa vida persoal e familiar para empresas que accedan a calquera dos programas emprende, innova ou activa, sempre que algunha das promotoras teña fillos menores de 3 anos e/ou nas cales se implementen novos sistemas de organización, co fin de facilitar a conciliación da vida laboral e familiar e o exercicio das responsabilidades familiares compartidas polo equipo humano que integra a empresa.

Prazo ata 22 DE XUÑO DE 2012.

Para máis información acudide a oficina da AEAS.