- O director do Inega, explicou hoxe en rolda de prensa que o Instituto Enerxético de Galicia habilita un orzamento inicial de 3,1 millóns de euros para a substitución de electrodomésticos por equipamentos de baixo consumo enerxético

- Con esta nova actuación, que se enmarca dentro da aposta global da Xunta de Galicia pola potenciación do aforro e da eficiencia enerxética, posibilitarase un aforro de enerxía de preto de 16.000 MWh, o que supón evitar a emisión de case 2.500 toneladas de CO₂ á atmosfera

- A solicitude de axudas, dunha contía máxima do 25% do prezo do electrodoméstico e de ata 125 euros por equipo, poderase realizar a partir dos 20 días seguintes á próxima publicación no DOG do Plan, prevista para o luns, 12 de xullo

- Con esta campaña de fomento do aforro e da eficiencia, maioritariamente no sector doméstico, xerarase un investimento asociado de en torno a 12,4 millóns de euros

- A Consellería de Economía e Industria, a través do Instituto Enerxético de Galicia (Inega), vén de asignar unha partida orzamentaria inicial de 3.100.000 euros para poñer en marcha o Plan Renove de Electrodomésticos 2010, co que se prevé que máis de 33.500 familias galegas aforren un total de algo máis de 1,3 millóns de euros na súa factura eléctrica, o que supón unha media de 40 euros por fogar, e que posibilitará xerar un investimento asociado estimado en 12,4 millóns de euros.

Esta liña de axudas, presentada hoxe polo director do Inega, Eliseo Diéguez, encádrase na aposta global da Xunta de Galicia pola potenciación do aforro e da eficiencia enerxética en todos os sectores, e subvencionará a substitución de electrodomésticos antigos por equipos con etiquetado enerxético A ou superior, co obxectivo final de reducir o consumo de enerxía eléctrica maioritariamente no sector doméstico.

Para máis información consulten:

 http://www.inega.es/inega/2007/upload/not/89-d-NP_RENOVE_ELECTRODOMESTICOS_2010.pdf

Dende a A.E.A.S. animamos a tódolos interesados a consultar os comercios de venta de electrodomésticos asociados, no noso apartado de "Socios".